वेळ: ५ मिनिटे
वाढणी: ४ जणांसाठी
साहित्य:
२ कप पाणी
अडीच कप गायीचे दुध
३ ते ४ चमच साखर किंवा चवीनुसार
२ चमच चहा पावडर
१/२ किसलेले आले किंवा २ पाती गवती चहा किंवा १/२ ठीसलेली वेलची पूड किंवा दीड चमचा चहाचा मसाला
कृती:
१) दुध आणि पाणी पातेल्यात एकत्र करा. साखर आणि आले/गवती चहा/वेलचीपूड/चहाचा मसाला घालून मोठ्या आचेवर पातेले ठेवावे.
२) दुध-पाणी वाफाळायला लागले, की त्यात चहा पावडर घालून आच मध्यम करावी. [पाण्यामध्ये दुध घातले असल्याने मिश्रण उकळल्यावर उतू जाते. म्हणून चहाकडे लक्ष ठेवावे.]
३) चहा १-२ मिनिटे उकळू द्यावा. आच बंद करून चहा मिनिटभर झाकून ठेवावा. नंतर गाळून गरमच सर्व्ह करावा.
टीप:
१) साखरेचे प्रमाण चहा मध्यम गोड होईल असेच दिले आहे. जास्त गोड हवा असल्यास साखरेचे प्रमाण वाढवावे..
Comments
Post a Comment